冇陰公之奄仔蟹

呢排喺街市見到海鮮檔有好多奄仔蟹賣, 好似好多膏好正咁,
趁今日星期五, 聽日唔洗帶飯, 就買咗 3 隻試整! $75 算唔貴呀!

D 蟹勁勁勁生猛, 我洗佢哋時不停掙扎.......
想搣埋個奄先蒸, 點知一掂佢就撐開我, 好恐怖呀~~~~~

我都擔心蒸佢哋時, 佢哋會反抗到跌出隻碟, (有一隻明明反轉咗, 都可以自己反身)
放入鑊, 聽到好多掙扎聲, 好有罪惡感的殺人 feel......

係咁倚蒸十幾分鐘就得喇, 一打開, 嘩..... 佢哋掙扎完嘅死狀就係咁喇......
本來D 水草係扎實佢哋, 俾佢哋撑到鬆晒,
最恐怖係, 佢哋撐到自己D 手手腳腳斷晒...... (咁都得?)



真係對唔住, 我要食你哋喇!!!
一路搣, 發現好多汁漏晒出嚟呀~~!!!



嘩~~~ 好多膏, D 肉又好鮮甜, 真係超好味!!!



勁滿足的一餐!

今日見返個1 歲的肥 B 女, 開始同佢上堂了, 嘩~~ 佢真係超可愛囉!
肥嘟嘟, 生咗嗰 6 隻牙仔, 又鍾意撩人玩, 同佢玩得開心時仲笑到騎騎聲, 好耐都未上過咁開心的堂了!
俾個公仔佢, 佢攬住開心得笑到甜到漏呀, 嗰一刻真係好感受到做 BB 媽媽嗰種開心,
不過當佢臨尾開始攰時, 就用 bu 口水嚟引人注意, 真係激得死你~
我扮嬲扮惡聲佢都唔驚喎, 真係冇佢符......

哈哈, 隔離有個聽力學家同事 preg 咗, 成 6 個月添但一D 都睇唔出, 一知道我都 O 晒咀.....
我哋個 reception 咁細, 行出行入轉個身都真係要好小心佢先得啊~
佢個 B 係女啊, 真係恭喜晒!!

Yummy dinner @ CPK

當波比先生 6:10pm 就打俾我問我放工未時, 我就知有人唔想食住家飯,
又心思思想去行吓街~ 於是前日就去了旺角的 California Pizza Kitchen

兩個人無啦啦食二百幾蚊真係覺得有D 貴, 不過老公鍾意就冇計啦


例牌的米蘭薄餅, 仲有菠菜汁雞肉意粉, 加了青檸的味道, 覺得..... 好似冬蔭功.....






等車歸家時, 見到彌敦道的中間欄杆變了一排好似聖誕樹的物體,
話就話綠化, 但好似同busy 的彌敦道有點格格不入






每日放工行返屋企, 聞到榮華的工場傳出好香好香的味道,
係蛋黃 + 蓮蓉焗緊月餅的味道啊, 好想即刻食一大個呀

大製作

上星期不停嗌冇嘢做之後, 今個星期忙到想史......

一個上午見7-8 個 out-patient, 下午再上 ward 清 in-patient, 6pm 收工再打 report, sigh.....

今日見咗一對孖仔, 父母竟然係 EDB 人仕, 唔似一般孖仔都會有好似嘅名, 讀相同學校, 著同款嘅衫,
爸媽似乎有安排小朋友叫好唔同嘅名, 讀唔同的 KG 同小學, 打扮都係唔同的,
其實我會覺得係好嘅, 起碼唔洗成日俾人大孖細孖咁比較,
哈, 係好有趣的 Twins studies 嘛??

大家努力之下, 已經將本來要排兩年的 pedi 隊, 縮短至1年3個月就得喇~
所以近來見返D 真係細 D 升 K.3 嘅 case,
我都係鍾意做細仔多D!

今晚大製作呀, 估吓我整咩??



登登登鄧- 就係冬蔭功喇!!!!

用了大蝦, 香茅, 草菇, 椰汁, 薑, 檸檬汁 (最正宗應該要用南薑同青檸),
味道有 9 成似了!! 係差少少, 差D 咩呢??
um, 下次加埋蕃茄, 酸D 睇吓係咩更好味先!
好滿足啊~

變聲

今日有同事忽然 sick leave, 星期一攪到踢晒腳....
上午睇咗 10 個 in-patient,
下午再睇 4 個 out-patient + 一個 voice group, 又有成棟排板未寫......
最痛苦係開親 group 就一寫要寫 6 個排版, 但都係寫埋差唔多一樣的內容, 有得 copy & paste 就好了.....
仲要等等等多幾年, 就行全電腦 record system, 就可以 copy & paste 喇!!!

在醫院做, 一日要變好多把聲:
見到大人 patient, 要成熟聲
見到小朋友 patient, 要細路聲
見到 BB 仔 patient, 要誇張 BB 話聲
見到 Dementia patient, 要溫柔聲
見到好聾的阿伯, 要大聲
同醫生溝通, 要用 professional 聲
教唔聽話的小朋友, 要用好 firm 的聲
叫D 唔願做嘢的阿嬸做嘢, 要用唔好蝦的聲

在這不停地變聲的環境, 使我學得自如運用自己的聲線,
第二次開 voice group, 感覺比第一次時容易好多了~

我都唔想o架...

同奶奶飲茶, 奶奶問:「嘩, 妳做乜出咗咁多暗瘡嘅?」
「我都唔想o架, 搽晒嘢都冇用, 做嘢壓力大掛...」

唉...... 7 月開始就被暗瘡問題困擾, 係去台北嗰幾日好返D, 大概都係 stress-related/induced 的問題
咁多年來, 一讀書考試就會勁爆瘡瘡了, 做嘢太緊張都會~

搽過 OXY、白兔牌同雪完美都冇用之後, 我都唔知可以點......
於是就試埋雪完美新出的「神仙水」, 嘩, 好「那」, 應該好勁, 但功效都慢......
大家仲有冇好介紹呀?

隔離嗰支係喺台北買的洗面膏, 好得喎, 尤其是油面波比先生都話掂!
好似見到香港的屈記都有呢~



今日有D 作病, 食完藥之後, 勁勁勁眼瞓,
除咗大病以外, 都未試過眼瞓成咁, 全日瞓吓醒吓地過......

氹吓自己開心, 去買了好多蛋糕食, 而家餅店的蛋糕, 真係整得好精緻啊~

Happy wedding and gathering!

woo woo woo, 波比太太去飲的機會唔太多 (起碼比人面廣的波比先生少好多好多),
近年都 keep 住每年飲一兩次大學同學結婚的婚宴,
今次, 終於都到 Eva 了!!! 坐了滿滿一枱的大學同學, 好開心!

雖然有幾個耐唔時都有約出嚟食飯, 但咁多人的, 係繼我們的豪華春銘後又一大卡士陣容
當我們慢慢長大 (其實係時光過得快快), 我們的話題停轉變,
今期除咗一般的工作、旅行、行內消息等話題,
已經係去到講點樣護膚 (講埋打 Botox) 同生仔,
其中有一同學仔快做人媽媽了, 一個好慈愛的幸福媽媽樣啊! (但我哋又會諗如果我哋大肚, 我哋會做埋D 咩白痴嘢)

仲有同一個同學仔講讀 Master 的事 (佢上年開始讀我嗰科), 佢話愈讀愈辛苦,
叫我 12月, 4月, 7月考試都要拎定一個星期大期去讀書......
嘩, 咁即係一年我得返十零日假去自己玩.....

呀, 講返婚宴了, 食物、服務、場地都一流, 讚!
Eva 越洋都攪到咁多嘢, 好勁o架喇!



有呢個好得意的螺, 去飲還是第一次見~



嘻嘻, 期待我們下一次的婚宴或 gathering!

係喎, 台北遊記已經完成了, 快D 去睇吓啦!

遲唔遲D 呀?

2007年有嚟俾面飲我嗰餐嘅朋友, 還記得呢D 枱號公仔嗎?

記得係各姊妹們好努力幫手剪剪貼貼的, 諗起都感動!



估唔到今年新出了就係呢兩個公仔的立體賀卡, 好可愛!!!



送給妳, 新婚快樂啊!

CI BB

希望在這 weekend 完成埋的遊記, 寫到 Day 2 晚喇~
師大夜市的食物種類唔算多, 但試咗嘅都冇揀錯!!

阿鑫麵線仲好食過阿宗啊!

滔滔都有推介的割包, 實在太美味~~



哈哈, 今日又新見咗個 CI 大 BB, 兩歲幾人仔, 我覺得係最 cutie 最好玩的時段,
坐得定, 又跟到做嘢, 最攪笑係表情多多, 可愛得笑死我同爸爸媽媽了!

下星期仲有個 9 個月大嘅 B 女添! 肥妹仔好可愛o架!
而家 CI cases 真係由未夠一歲去到九歲都有, 唔同年齡階段, 做起嚟都有唔同學問,
好多謝老細不停將佢識嘅都教俾我~

元朗都有???

今日好晏收工, 煮唔到飯, 同波比先生去食佢期待以久的 KFC 芝士脆雞

想起了台中旅行, 逢甲夜市的爆漿起司雞排



芝士湧出嚟嗰一刻, 實在震撼!!



滿有期望地去食 KFC, 還是要告訴大家不要抱太大期望,
那芝士醬的味怪怪的又淡, 我實在唔太懂得欣賞.....
仲食咗件硬到冇人有的雞胸, 呢餐真係......



失望而回之際, 經過養和堂的舊址, 見到新開了「八方雲集」好多人, 咩事啊??

吓, 唔係化, 有蚵仔麵線賣??? 元朗都有???
波比先生雙眼發光, 即刻去排隊!
真係閉喇, 睇嚟波比先生成日會放工後去偷食了!

仲未儲齊呀!

小丸子同學仔 collection, 又多咗 4 個成員, 但係錯過了第一期的小丸子囉.......



今晚好好餸呀!!
左上: 台灣買的肉燥蒸豆腐 (豆腐係豆腐檔事頭婆見我買嘢買得多而送的!)
台灣買的肉燥真係好好味啊! 不枉我哋空運佢嚟香港!
右上: 沙茶蝦卷炒西蘭花節瓜 (就係喺豆腐檔買了呢個蝦卷, 勁好味!)
特別嗚謝青青贊助的沙茶醬!
下: 鹵水雞翼 + 鴨舌 (中了台灣毒嘛? 哈哈, 第一次整鴨舌啊! 其實我唔係特別鍾意食, 都係為波比先生而整)

搵嘢做?

尋日放工開了個 Ad hoc meeting, i/c 想重整一下大家的工作,
因為年年各 cluster 阿頭開會交數, 我個 cluster 都包尾........
或者因為年年都不停有人事變動, 攪到 ouput 偏低

師奶仔放工, 去買 $10 牛肉整肉醬意粉,
肉價貴, $10 肉的份量真係少得可憐...... 兩羹都冇.......



唯有其他材料搭夠啦~



近來都好乖呀, 日日都有煮飯,
一來出去食好唔健康, 二來又貴,
買餸煮飯再帶埋飯, 又健康又慳家, 要儲定錢做個窮學生呀,
原來距離開學, 仲有個多月咋, 開心又緊張!

遊記趕工中

呢兩日有乜攪? 主要都係寫遊記呀, 已經寫好80% 了!
我 MSN 有條 link, 或者 send e-mail 嚟我話條 link 俾你聽o丫,
個網內的相都係 high resolution 版本, 所以成 1Mb 一張要 load 耐少少, 大家耐心等等呀~

台灣美食, 太令人回味了!



今日又去咗睇冰河世紀3大威龍駕到, 睇3D 版本真係好得意好好睇呀!

夜晚睇<<咁至識食>> , 嗰個醫生其實我成日喺腫瘤科病房都會見到佢,
當我低頭寫緊排板, 忽然間聞到一陣古龍水味, 就知道佢帶住一班醫科學生大駕光臨,
真係唔明白點解佢會去咗上電視.....

Full ~ Saturday

上個星期六我哋仲係台北曝曬緊, 咁快又一星期, 今日喺香港俾未到的颱風焗緊.....

上午有師傅嚟整冷氣, 住咗 5 年幾, 其實都預各樣電器會開始慢慢老化o架喇,
新鴻基樓的質素都真係算好好, so far 暫時都係一D 小毛病~
去旅行前個廳部冷氣忽然間流咗成條水柱嘅水出嚟, 嚇死!
要知道咁嘅天氣, 個廳冇冷氣真係會史人!
今日終於都有人嚟整, 好彩只係條喉塞咗, 通一通多謝 $400, 呢d 錢真係唔慳得!

下午約了青青, 哈哈, 點解明明係我俾嘢妳, 竟然變咗係妳俾咁多嘢我嘅???
D 麵真係令波比先生開心史咯~ 真係好多謝隻麥兜 CD 呀, 好得意!!
哈哈, 去旅行玩得開心D!

去到荔枝角, 慕名去了 Hot Dog Stage 食 lunch!
好彩我哋早一步到, 之後好多人嚟都冇位呀!!! 好多人都係慕名而來的, 又影相又尖叫晒咁, 好誇張!

呢度有五星級酒店大廚幕後指導, 用料又好新鮮!
沙律菜據聞係歐洲貨, 薯蓉係手打, 唔係開粉o架, 好好味!!!



到主角出場, 所有漢堡都係即叫即造,
左邊的BBQ 醬純美牛肉漢堡, 波比讚超好味,
先係麵包都烘得脆脆的, 試問有邊次去食漢堡包係會有脆皮??
入面的生菜蕃茄好新鮮, 諗起有時麥當當包俾D 爛生菜, 真係差好遠!
厚厚的牛肉, 嘩, 好 juicy, 試問我真係好少用 juicy 去形容D 肉,
但呢個包竟然係不停有肉汁流出嚟, 流到張包紙裝住咗一 pat 肉汁, 波比先生仲不顧儀態地飲埋, 史未?!

右邊的係澳洲純羊薄荷醬漢堡, 麵包同肉都好似牛漢堡的好味,
薄荷醬又加了一份清新嘅感覺, 好正呀!!!
青青妳有時間一定要去試試啊!



下午去了逛書店, 逛一田,
買咗北海道牛奶布甸, 好好好濃的牛奶味啊, 好得!!!
仲有十勝紅豆雪糕, 甜咗 D D, 但濃郁的紅豆味蓋過了一切~



夜晚去同波比家人食飯, 又食好多嘢.....
終日係咁食, 肥死了!!!!

直擊報導

Guess why is my cup of coffee "moving"??



I put it on my desk at 8:30am, I felt my desk and chair were 'shaking' sudddenly.... and stopped.
I happened again and againe, at least three times!!!
The most vigorous one lasted for at least ONE minutes, and I saw my coffee was 'moving' as well!

Don't ask if it was due to the construction site work next to my home, I don't think they started working at 8:30am lor. And it absolutely was not 'bump bump bump' rhythemic shaking, and without any noise!

It started gradually and ended suddenly.

When I am writing this entry at 9:30am, the shaking occurs again! Terrible!
What's happening?

But sorry the HK Observatory hotline is not operating on Sat and Sun lor. And no earthquake report until this moment.
um..... would it be related to the approaching typhoon? Don't know......
But the shaking feeling was really frightening ar!

朋友

話說去旅行前, 收到一個朋友的通知, 某聯網請人, 佢問我會唔會 apply,
波比話梗係 apply, 或者佢對我而家的 workplace 一D 好感都冇,
佢有一個 point, 我又真係唔否認的:「妳以前做每一份工, 都有一D 好朋友, 例如 A, B 同 C, 都係妳可以同佢傾到心事的, 但係而家份工呢?」

不過, 而家除咗係返工搭車好遠之外,
我又諗唔到有咩 strong reason 去叫自己又放棄一 D 建立咗嘅嘢, 又要去第二個地方由零開始,
起碼我鍾意而家做 case 的自由度, 又好夠自主權,
而且一有人走, 對其他同事就係burden, 會令人好麻煩,
所以呢, 雖然該聯網係有D 吸引, 但我都唔大興趣去 apply 了~

不過, 波比先生的一句話, 令我更加珍惜我舊有的好朋友, 原來朋友都得來不易!
今晚就有一個舊同事打來了, 傾傾大家的工作, 我的舊 case 的現況, 講吓 clinical 嘢,
懷念舊公司的好多好人好事, 點解醫院呢度係冇嘅?

台灣美食篇: 呢隻係好多人都推介的有汽啫喱, 真係好過癮呀, 真係有汽o架!!! 點整o架???
好彩我哋買咗六罐返香港慢慢歎~

送您一朵白雲

曝曬下才拍到這麼美的天空, 好想送您一朵白雲




香港的天氣都好熱啊......
喺廚房煮飯, 煮到D 汗不停地流 =.=!!!

今晚又整咗椰汁大菜糕, 雪凍緊, 正呀!

失眠

尋晚好攰好想瞓, 點知因為諗工作的事, 攪到瞓唔著......
眼光光由十點幾磨到十二點先瞓到, 今日繼續勁攰, sigh.............

唔寫太多了, 繼續睇相啦!



喜愛台灣的樓都好矮, 隨便找個位置, 都可以見到藍天白雲



台灣故事館





百厭仔波比先生



你想做咩啊!?

我們回來了!!!

各位親愛的朋友 , 我哋返嚟喇!!!

昨天是712, 是我們手拖手 7 週年的紀念,
7 年的日子, 原來有你過得很快很快~
感謝陪我走過了 7 年開心與唔開心日子的你,
今次又冇覺好瞓朝朝俾我摌起身趕行程!

呢兩日實在好難忘, 兩日內用我們四隻腳走了平常一個月會走的路程,
太太太好天 (去之前天氣預測又話雷暴?), 35 度烈日當空之下, 曬得我們先紅後黑而家仲痛!
走到台灣最北點, 迷了路而兩個人在高速公路上行行行,
去了花田農場, 又遇見大便小豬, 還有至愛美食,
湖邊散散步, 快樂就是很簡單,
我們又捧了一箱即食麵、杯麵、零食和啪 Jelly 回來, crazy!
這兩日的行程, 實在太太太短了~






遊記嘛, 應該今次會有心機寫的, 因為只有兩日的行程~
而家最想瞓覺, 實在太攰了, 早抖先!

臨行前的祝福

聽日7 月11日, 係好友的大囍日子,
祝李生李太幸福快樂, 白頭到老,
明天一切順順利利~

期待7月25日飲妳嗰餐!

下星期一見

原來置樂的粉仔檔, 兩檔只剩下一檔有繼續經營,
辣辣粉仔加椰子冰真係太正! 仲有吹住牛角扇先係街邊風味~



今日開完半日會, 又狂睇 out-patient, 攰死了.......
出旺角食香港仔魚旦粉, 魚湯湯底好美味~



唉..... 臨旅行前塊面勁爆瘡瘡, 但屋企仲有勁熱氣嘅榴槤唔食又好嘥......
搽暗瘡膏搽到好似面膜咁囉..... sigh.......

好了, 要執行李喇! 今次去唔帶電腦了, 都係一袋行李仔就飛喇~ (如找到 wifi cafe 都會上吓網)
不過冇行李寄艙, 攪到想帶支洗面膏去都唔知點帶 (俾個藉口自己去嗰邊買!)

See you on Monday!