咁又一年了

近日超愛醫院 Canteen 的 cafe 的即磨咖啡,
飯後總要飲一杯先安樂, $11 的價錢勁抵,
下次你有機會o黎我醫院的話, 我請你飲呀!

今日又係冇生意, 好 crazy 呀!!!
於是睇o左幾份 Journal, 有一份係講 EBP of Non-speech oral motor treatment for children with speech sound disorders,
個 Author evaluate 唔同 Tx approach,
勁踩 Sara 套 oral motor training 完係唔 evidence-based, 一路睇真係好攪笑!

不過都係o架, 我一路都好 query 佢套o野掂唔掂, 全部都係佢自己話掂喎,
咁就好多人信佢, 好多人跟佢做, 好多人買佢套o野......
其實唔係話俾幾千蚊上個 course, 個 speaker o係外國o黎, 佢講 d o野就一定o岩,
我覺得佢 d blowing tools 同 bite block 查實冇咩用囉....

放工即閃, 早放的波比先生o係 CitySuper 買o左好多o野食返o黎呀,
兩個人的大餐, o係屋企冇儀態地齒雞脾係最開心! 哈哈哈!

各位新年快樂呀!

團聚

今日返工, 冇生意!!! 清閒得啞o左.....
年尾俾返 d 好日子我過嘛?

今晚去o左 Laura 的婚宴, 世界就係咁奇妙~
Laura 係我中學的師妹兼 Red Cross 團友, 早已移居美國,
但透過 facebok, Blog, 我們就聯繫上了

今日我見返好多團友仔, 實在太難得有機會咁樣聚一聚了~
對好多學弟學妹, 我的印象仍是停留於初中那個好 cutie 的學生仔 look,
一轉眼, 個個都大學畢業, 個個都大個晒成熟晒,
好似變戲法一樣..... 我們也不得不承認我們老了.....

新娘了都係啦, 冇見十幾年了,
如今已經婷婷玉立, 仲做埋人老婆, 真係好鄧妳開心!

多謝 Laura 給我們一個相聚的機會, 成晚傾o下偈, 影o下相, 真係好開心啊!
多謝妳的豬豬小禮物, o岩晒我呢個豬豬迷啊!

Sleeeeeeeepy

飲o左兩晚, 好眼瞓.....
今日一路睇 case 一路打喊路.....
我要瞓覺呀~

估唔到今日比想像中少 case, 下晝冇o野做?!可以睇o下 presentation 的 reading 真好呀!

忙相聚

最後一日的假期, 節目仍然密密麻麻

去了師姐的家, 好大好靚o既屋啊~ 十年後我都可以住咁大間屋嘛?

仲有佢兩隻超可愛, 又乖又叻的小狗!

o係露台花園食我o地o既大餐, 悠悠閒閒咁吹o下水, 超寫意的感覺!

下一場係約o左 Cora 同阿靜傾 presentation o既o野, 又離不開飲返杯!

Last station was Teresa's Wedding Banquet!
估唔到得咁少同學仔添~
新娘子好靚好高貴啊, 做慣我o地呢行, 特別有司儀 feel~
開開心心, 同同學仔傾o下偈又一晚,
仲有要多謝青青的生日禮物啊! 粗麵正呀!

Happy Wedding

今日係中學好友小 V 的大日子, 亦是我第一次做姊妹!
多謝妳讓我一整日去分享妳的喜悅~

全日用o左 4 舊電, 拍了千二多張相片,
原來 d 人郁o黎郁去係好難影, 最好用係相機的閃光燈連拍 mode~
我會盡快整理好相片, 希望可以快 d 俾返隻 Photo CD 妳啦~

不忘再講多次恭喜恭喜, 見到妳結婚真係好開心~
所有兄弟姊妹都好叻好幫得手!
第一次做姊妹, 先發覺幫人攪一次婚禮好唔容易,
好想對我結婚時的兄弟姊妹再講多聲:「多謝你o地」

見到個 MUA 有部 D90, 影o左 d 相出o黎好正喎!
好吸引..... 嘻嘻....

Lovely Gift

我的 Boxing Day, 收到了 Ashley 的一份可愛禮物!

~就係自家製的肥皂~
等待佢可用的一日!
包得咁靚, 真係應該拎去賣呀~

咁o岩我就係o係台中買o左一本教整肥皂o既書送俾 Ashley,
嘻嘻, Eric 唔好意思, 要把你o既屋企變工場了!

俾 Eric 講中o左, 我o地六合彩中o左好多注 3 個字啊,
你o地有冇中呀?

睇樓睇戲打牌迎聖誕

聖誕日, 節目豐富!
先係去o左睇早場的「荒失失奇兵 2」, d 動畫整得好靚好迫真!!!
套戲都幾好笑!

之後, 終於有機會同波比先生一齊去影影新元中的麥兜了, 好開心啊~
(豬樣相片請參考 facebook!)

拍個痛快之後, 去o左荃灣行街, 見到賀哲男!

又去o左飲咖啡, 好悠閒的一個下午~

精彩節目之一, 就係約o左 Lam's couple 同肥仔一齊去睇樓!!!!
睇o左萬景峰同埋爵悅庭, 論景觀同間格, 爵悅庭真係唔錯喎!!
樓價真係跌o左唔少, 令人有點心動~

同波比先生研究過, 會唔會考慮買返我醫院附近o既樓呢?
但一想到日日返工放工都係o個度, 好唔想喎....
但另一角度睇, 如果我都諗得o係度做過世, 日日要來回搭 3 hr 車又真係唔係辦法....

睇完樓, 去o左肥仔家打越南麻雀, 坐o左個超黑位, 又交o左唔少學費呀~~
o個個位真係邊個坐邊個史呀!!!! 4 圈後轉轉位好 d......
越南麻雀呢家o野, 真係好恐怖呀~~~
(鳴謝肥仔於過去一年常常借地方俾我o地打牌打機聚會, 仲有任飲任食薯片汽水)

最後還要多謝大家的生日 + 聖誕蛋糕, 估唔到仲有得吹蠟燭,
好感動又開心~ ^3^

麥兜聖誕

多謝波比先生的聖誕禮物, 好鍾意好鍾意啊!
如果下年冬天去旅行, 一定要帶呢隻去呀!!!

終於都有機會經過新元中, 見到傳說中的麥兜裝飾, 好可愛啊~~~

今日勁清閒, 特登唔 book out-patient 的日子,
醫院忽然冷清, 好少 in-patient referral 啊~

今日老細公佈了 finalized 的調職安排, 真係吹到啤一聲.....
明明請個人o黎清 pedi case, 點知o個個人又做唔到 pedi case,
之後主力由我去做晒成個區o既 pedi case, 十個啞.....

聖誕節目

雖然今年的聖誕節沒有聖誕 party,
24/12 又冇得收早,
不過仍叫人十分期待!!

簡簡單單約幾個好朋友相聚,
去飲去做姊妹,
4 日的假期其實好充實!!

希望星期六日朋友結婚的大日子, 唔好太凍,
太陽伯伯唔好偷懶! 一切都順順利利!

今日老細忽然間又同我講, 明年 2 月的調動又可能有變,
變調去我前排成日去替假o個間醫院,
好啊好啊, 可以遲半個鐘先出門口係好幸福o既事!!!
不過老細講o既o野, 變完又可以再變, 未到最後一刻, 仍是觀望中!

重遊

今天, 我們一家人來到這裡

在這裡, 03年的12月, 波比先生替我和波比妹妹拍學士的畢業照,
06年的12月, 我們替波比先生拍他的碩士畢業照,
08年的12月, 我們替波比妹妹拍她的碩士畢業照~
一次又一次走到這個地方, 同樣地一家人開開心心~

How about me?
可惜 HKU 沒有一個我有興趣的碩士課程, 否則整個 Family 都在這裡完成碩士的話,
一定很高興!
但我已決定報讀中大的碩士了, 如有幸入讀,
未來兩年的所有星期六都要全日上課, 實在冇晒自由.....
不過, 人總需要進步的~
見到別人畢業的一刻, 就會覺得兩年的辛苦一定有收成

今天還讓我周圍亂拍一通, 真高興

由一個人變兩個人, 很多愛情故事就發生在這個地方

影完相再一家人做冬, 青衣城有小城堡, 同好多小朋友

為將來作打算

今日好忙碌, 花o左兩個鐘終於決定o係恆生買多份保險,
雖然供o既錢都唔少, 仲揀o左年供都幾肉痛,
不過好想為自己同家人買多個保障, 因為而家做醫院見盡生老病死,
萬一患癌萬一中風萬一個腦生個瘤, 咁就一世了.....
多一份保險, 起碼自己有事, 身邊的人都唔會冇o左依靠,
幸運地冇大件事, 就當儲錢, d 錢擺到 65 歲做退休金都唔錯o丫~

睇o左匯豐同恆生, 恆生貴成 double, 點解仲揀恆生?
因為佢 d 保障範圍好 d,
雖然恆生的 Financial Advisor 都好 young, 但感覺 professional, 唔會俾我o地問到口啞啞,
相反 HSBC 搵個阿太o黎 serve 我o地, 問佢深少少o既問題佢乜都答唔到,
又要問呢個, 又要問o個個, 真係啞晒.....

屋苑今日有個聖誕活動, 好多小朋友, 好熱鬧!
原來, 我有成年冇入過會所了.......
想同未買樓o既朋友講, 即使個屋苑有會所, 但係妳住o左幾個月之後, 係唔會再去湊熱鬧的!

今晚又上攝影班, 上o左幾堂, 講真覺得個阿 Sir 唔多掂, 教唔到實質o野,
好多理論o野又講 d 唔講 d, 佢o既表達能力都幾有問題,
又唔係從初學者角度去教, 總之 d 內容唔太有用...
佢係咁叫我o地報中班, 我諗我唔會報了
呢 d 就係幾百蚊同幾千蚊o既 course o既分別嗎? 抑或第二個阿 Sir 會好 d?

算啦, 我都係用我o既傻瓜機繼續冇技巧地去影啦!

課後, Willis + Ernie + 我 + 波比先生去打邊爐呀, 超開心!!!
咁大個什錦鍋都係 $178, 抵到爛!



仲有唔錯的煲仔飯呀!


食完飯, 聽著 Ernie 老師講佢 d 學生, 又講到大家讀書時代點偷懶點玩o野,
真係笑死!

倒數五日

倒數五日乜o野? 梗係倒數o下返多五日工就放聖誕假啦, 呵呵呵!!!

飛之前o係機場影的, 第一次唔係o係旺季去旅行,
冇乜人o既機場原來係好舒服o架~

原來不經不覺已經 17 號, 返工的日子總過得好快!
醫院換上了聖誕的裝飾, 教學的 Dept. 仲有好靚的聖誕樹,
不過我個 Dept. 就乜都冇....

醫生們、Research team 的阿頭都送了朱古力呀、糖果呀俾我o地,
但我o地o既老細....
算罷啦....

恭喜晒中學同學 Ivy 生o左小 Baby 喇, 佢同我o地一樣係 12 月生日啊~
嘻嘻, 好想聖誕節去探o下小 Baby 呢~
眼見同自己同年的朋友轉眼間就生o左個小 Baby 出o黎, 感覺... 實在好奇妙啊~

食滯了...

尋晚放工後撲o左返 HKU 借書 (無計, hold o左o既書一定要呢兩日 pick up),
今日放工又要去飲, 真係好攰....

今晚又係同波比 Family 去飲, 上星期的婚宴好多年青才俊 OL 儷人,
今晚的婚宴就係好多一家大細, 年長一輩

新娘家係粉麵界人士, 竟然有稻香、太興燒味同加州紅的大人物o黎飲?!
最攪笑係一份我諗冇人送過的回禮小禮物!

係心形o既全蛋麵!!!

新娘一番說話令人好感動, 我奶奶都忍唔住喊,
如果呢番說話係波比妹妹結婚時講, 我諗佢o地兩老一定感動得更緊要!

不過閒日擺酒的人, 可唔可以唔好九點幾先開席呢......
成 11點都未散席, 我o地仲要搭個幾鐘頭車先返到屋企, 聽日仲要返工, 真係好辛苦o架....
十點幾o既時候, 我又胃痛, 又頭痛, 頂唔順又 call 的士返元朗了!

去完台灣, 我好似食滯o左, 個胃係咁痛, 一食o野就痛....

Video Highlight

有幾段旅行拍的 video 想同大家分享啊!

清境的早上

Photo Highlight

送上一些這個旅程我很喜愛的照片給大家,
遊記要有排先得閒寫咯, 回港後不停會好忙呢~