2013年5月31日星期五

一聲 Thank You

今個月帶完兩個大學的實習學生,
我知, 我是個完美型人, 跟著我都幾 harsh o架.......
但我嘅 harsh, 都係想佢哋學到嘢, 唔好第時出嚟好似某D 人咁做行內嘅垃圾o者~
到最後一日的實習, 我還不停將「咁樣會肥你o架」掛在口邊, 不過只是嚇嚇佢哋做好D,
最後還是給了他們一個 pass~ (Pass 唔到可能會升唔到班啊)

我一路還是建立了個嚴肅認真 +/- 惡的 image,
沒想到一天返工, 在 mail box 收到其中男學生寄來的 Thank You card~
這些學生仔的 Thank You 實在令人心甜, 也好證明了我努力的教, 幫佢哋改嘢改到好夜, 都還是值得的~
這個年代 , 有人會特登走去書店挑選一張卡, 寫好再寄俾你, 實在是一種福氣~

07

2013年5月30日星期四

[愛美食] Berliner 吹水之夜

我工作的地方, 愈來愈不是人工作的, 除非我接受到將自己變到日日蛇王偷懶,
有人自己冇料到, 又偷懶唔睇症, 最抵死是佢應該有思覺失調, 明明嗰個鐘數都冇約到病人, 自己喺度嗌咪「扮工」, 黐線!!! 一係就 clinic 有鬼!
自己做錯嘢就唔認, 一發覺其他人做錯嘢就小題大造~
又有人做事求其, 然後長期同人嘻嘻哈哈~
我們反映了不滿, 在上位的就得過且過, 因為佢都奈D perm 咗炒唔到嘅人唔何~
我投訴某同事睇 case 亂嚟, 乜都唔識又扮識睇, 要老細跟跟, 因為擔心D 病人咁樣俾佢教飛, 仲要係 BB 仔...... 點知..........老細聽完又冇咗件事,
我們每一次的反映, 都只是浪費自己時間去打 email

我們幾個「正常人」就日日做到死, 日日執佢哋D 手尾, 佢哋蛇王冇睇的症, 我哋覺得個病人係無辜就自己硬食幫佢睇埋,
然後發現, 再係咁都唔係辨法, 佢哋懶, 我哋幫佢做返, 唔會有大問題出, 老細唔會正視D 人嘅問題
所以, 係呢個環境迫著我們要學做衰人嗎?
今晚我們食飯研究咗好耐, 你努力做嘢, 對病人好, 冇人識欣賞,
相反有D 人識做門面功夫, 就可以呃晒所有無知的病人同其他專業人士, 呢個世界原來就係咁~

心態的轉變, 可能對自己還好, 唔洗日日返工覺得咁大壓力, 一個人的勤力係冇用嘅.....
最終睇吓幾時爆煲啦, 長假期前我都唔會同你趕睇晒D case o架喇,
如果有咁嘅一日, 一切都係有D 人一手造成的!

原來, 一D 「正常人」喺呢D 做又36唔做又36的地方, 真係要好好學習做「不正常人」

今晚上完堂, 同師妹食生日飯, 去了一路都想試的 Berliner ,
這裡的德國豬手真係稱得上我食過最最最好食的!! 個皮脆到冇朋友, D 肉又勁勁勁嫩喎, 真係唔夠喉!! 仲有人幫你切埋, good!
(忽然想起上次去金壘餐廳吃了又貴又唔好食的....)

02

個德國腸拼盤又係好唔錯, 腸仔很 juicy~
叫了個成日睇 TLC 台見到美國有的薄炸豬扒, 不過味道其實冇乜特別~
男人們叫了四杯啤酒, 對得好開心~

01

叫了個 crumble 甜品, 嘩..... 太太太甜了....... just for fun~

03

呢度最好係可以儲 asiamiles 呀, 唔知點解佢仲因為有 Asiamiles 會員卡, 其中一杯啤酒免費了~ Good~

2013年5月29日星期三

[愛住家菜] 又燉牛肉 x 芥末魚柳

今日話了要煮好餸, 一早出門口前就整呀整,
第二次整日式燉牛肉, 用了剛在吉之島買的特濃燉牛肉醬汁, 好美味呀~~~

05

仲有這個自創的芥末魚柳, 魚柳先調味, 蘸麵粉, 再蘸蛋漿煎香, 就咁已經好好食,
再加埋個夏日炎炎至啱 feel 的 芥末醬,
是用日式蛋黃醬 + Wasabi + 檸檬汁, 攪勻就得! 好清新的 perfect match~

06

不過當老婆煮好三個餸之後, 有一個好為食的老公竟然買咗壽司同魚生返嚟
你話係咪頂佢唔順......

04

2013年5月28日星期二

一步

有時我們踏多一步, 做多一點, 就可以改變一個小朋友的命運,
政府俾錢的醫療, 總很多制肘,
醫生知道有好的藥, 但價錢問題不能用,
我見到美國有D 好的訓練用具, 但香港冇 dealer, 我唔可以自己簽卡買完 claim 錢, 醫院又唔肯俾美金
好的新的儀器, 總要經過一大輪繁複的手續才能買到手, 到手時, 病人都轉院了回家了!

有時唔算太貴的, 我自己訂了送俾病人就算,
上 amazon.com 訂, 一個星期就送到嚟, 今日送了俾個 BB 仔用,
希望他快快有進步, 快快可以離開這間住了年幾的醫院啦!

2013年5月27日星期一

[愛住家菜] 粟米肉粒

星期一, 可以在返工前將肉醃好, 晚上煮的粟米肉粒份外嫩滑~

P1200802

我終於將一本睇咗好多個月嘅 reference book 睇完了, 可喜可賀!

終於都好天, 要出動去跑步了, 我成個四五月都超超超懶啊, 因為天氣唔好跑唔到, 我又唔鍾意跑機~
但今晚真係熱得好恐怖, 跑一陣已經全個人濕晒!! 波比先生係一路跑, 一路D 汗滴到成條路濕晒~
再熱D 都唔知點算......
今年都打算報毅行 support team, 遲D 又可以一齊行山

2013年5月26日星期日

[愛烘焙] 汽水 Scones + Fruit Enzyme 收成了

這個 weekend 是不斷的瞓和瞓和睇書, 休息夠了, 病終於都好了 :P

今晚睇到甜心先生 Chef Koo 整 scone, 攪到我又身痕痕要整~
之前試過一次用 City Super 買的預拌粉整, 好好味,
今次第一次自己用麵粉開始整, 因為加了汽水, 好鬆又好快整好, 真係方便過整麵包好多好多!!!

加點楓糖漿吃, 是很開心的宵夜!

01

仲有我樽 Fruit Enzyme 收成了!! 重溫一下佢嘅變化:

03

今日係 Day 26 , 都差不多喇! 買了 Soda water 加 1/5份量的 Fruit Enzyme, 好似紅酒呢~
我冇老師整得咁甜, 我諗佢真係跟足 recipe 用咗好多糖喇~

04

2013年5月24日星期五

病咗幾日...

由星期二開始病, 病病病, 不停的流鼻水鼻塞喉嚨痛, 是冒感啦, 醫生都唔洗睇, 自己食了最 standard 的三種藥,
symptoms control 了, 但一路都未完全好~
食了藥超呆滯同眼瞓, 星期三黑雨那天, 其實因藥力仲好想瞓, 6:30am 如常起身食緊早餐先知黑雨, O 晒咀, 又瞓唔返 T.T

明明需要休息, 但好多節目~
星期二放工去聽書, 聽完去尖咀的新開拉麵店「倉吉」, 本來好病想返屋企, 不過約了波比先生, 廢事佢敗慶而回, 還是去了
滿心期待, 但見冇人食已有不祥預感, 麵到了, 難食到嘔, 只食到油, 個湯冇味, Shxt!

01

星期三去醫院探朋友, 朋友好好多了, 自己也很開心~
之後去荃灣的翔龍小籠包, 好多人, 應該冇嚟錯了!
所有食物都好有水準, 真係要推介!
高力豆沙好多餡, 像綿花的感覺太好了~
鱔糊粗炒味道剛好, 鱔有口感~
醉雞好夠滑, D 皮一D 都唔肥, 直頭係爽, 讚!!
小籠包絕對是手工之作, 皮薄, 多湯汁, 100分, 大隻D 仲開心!

02

星期四又上堂, 又冇得早瞓,
星期五去了食醫院同事的升職飯, 很多謝同事的邀請, 很開心的一晚!
最攪笑係同腦外科顧問醫生打牌, 原來佢份人好攪笑, 哈哈哈~
這班醫生護士都係非常好, 超有心有幹勁的人, 對病人好好, 我也很喜歡去佢哋的病房工作,
相反有D 病房上樑不正下樑歪, 圍埋吹水玩電話都唔理D 病人, 唉.....


2013年5月22日星期三

[台北 2013] 上引水產 x Mr. Brown Cafe

終於都打到最後一篇了, 哈哈, 還好, 沒有爛尾......

睇完叮噹展, 餘下 4 小時就要去機場了~
在捷運站隔離的商場, 見到超可愛的日式卡通人物蛋糕, KAWAII!!!

2013-03-18-193

好想買唷~~~

2013-03-18-194

之後就去波比期待以久的上引水產喇

IMAG0337

同上次一樣, 我們去了刺身立食區, 點了一個套餐
先來了沙拉, 用了柚子醋很清新~

2013-03-18-270

刺身拼盤上場了!

2013-03-18-271

兩款生蠔, 很新鮮

2013-03-18-272

波比最愛的馬糞海膽, 甜!

2013-03-18-274

海鮮麵豉湯, 超足料~~

2013-03-18-276

是日有玫瑰龍蝦、毛蟹、帝王蟹, 鮮甜美味~

2013-03-18-278

這個價錢, 如果仲有肚的話應該開多兩隻!

2013-03-18-282

吃飽飽, 去西門町例牌的行了個圈, 飲了白苦瓜汁~

2013-03-18-285

然後就去換禮品, 之前介紹過今次買了二日觀光捷運票, 有一大本 coupon,
其中有些是拎張劵去舖頭, 就有禮品換~

IMAG0339

這間大黑松就在西門町行返酒店的路上, 俾張 coupon 店員, 我們都驚訝佢竟然拎出兩大盒禮物盒給我們

2013-03-18-289

嘩嘩, 免費喎, 有咁多嘢?! 好賺呀!!!

2013-03-18-292

還去了維格, 免費換了兩個鳳梨酥, 又買了兩袋麵包, 超鬆軟好味!

2013-03-18-294

本來最後一站, 是想去咖啡弄歎杯咖啡, 點知..... 去到話起碼等半個鐘......
我們要搭飛機了, 眼白白沒有機會試, 波比先生話好唔開心

去到機場, 打算再搵食, 本想去 T2 的哈肯斯麵包店, 買全台最有名的酒釀桂圓麵包,
但發現由 T1 去 T2 的路程有點遠, 時間又有點唔三唔四, 最後失望的沒去了......
在 T1 其實冇咩好食, 只有一大間 Mr. Brown, 都好過冇啦~

入到去有好多梳化椅, 坐得舒服,
點餐時有超級驚喜, 店員說咖啡買一送一, 點咖啡加 NT60 又有窩夫送, 嘩, 本來去咖啡弄食的話, 要 >NT200 一份呢~
最後點了兩杯咖啡同一份窩夫, 折算後只是 NT180 , 實在又賺了~~

2013-03-18-287

2013-03-18-288

吃飽飽, 想快快返香港啦, 點知班機竟然 Delay!!!!
Delay 了大半個鐘又唔早通知, 早知就去 T2 啦 T.T
不過自遊行就係咁, 總有D 意料之外嘅事, 先會令人難忘 :)

這個結婚六週年之旅完滿結束, 實在多謝 Asiamiles 的免費機票,
自此以後, 波比太太又留意多咗點儲里數, 希望快D 再有下之的免費之旅~

2013年5月20日星期一

[愛住家菜] 鮮茄螺絲粉 (附食譜)

常常在街外的西餐廳, 見到一個 xx 螺絲粉都要索價七八十大元, 從來都想不通貴在哪裡???
在家只需用三十元的成本, 就能煮出滿滿的一大盤, 吃得健康又滿足~

食譜:
將三個蕃茄打成 puree, 加半碗水煮,
切紅椒粒, 紅蘿蔔粒, 肉腸粒, 放入煲內一齊煮
再加半罐 Tomato paste, thyme, bay leaf, 適量的鹽同黑胡椒碎同煮,
15分鐘後放蝦, 煮多 5 分鐘即成~

螺絲粉因應唔同牌子, 煮約 8-10分鐘就得, 拌入煮好的蕃茄醬, 成了美味的晚餐~

01

2013年5月19日星期日

[愛行山] 黃泥涌水塘至赤柱 x The Cupping Room

好耐冇行山了, 其實毅行朋友一路都有約, 但呢幾個月真係約親我哋都唔得閒,
今日見天氣都唔差, 決心去走走~

第一次行港島的山, 在中環搭城巴 6 號, 到黃泥涌水塘公園落車, 由水塘的堤壩起步, 遠眺港島的景色~

01

入山路, 就是不斷的上樓梯, 見不到頂的樓梯

02

一路上, 好多飛蟲 :$ 好多花, 好多雀仔叫, 又好多大蜜蜂!!!

03

仲有超多蜘蛛!!!

04

05

上到紫羅蘭山的山頂了, 噢, 我們已進入雲霧中!

06

落山嗰吓, 其實有點恐怖, 超高又直落, 差錯腳會碌落山, 唔敢望~

08a

再向淺水灣坳方向行

09

遠望大潭水塘

10

見到一個老師, 帶住一班小朋友行山, 嘩, 相信小朋友行到跟住嗰段一定想史......

11a

落埋呢個山頭, 見到淺水灣了~

12

過了一條小橋, 向赤柱峽道方向行

13

跟住係超級艱辛之旅, 上了二百幾米高的天梯已經係攞命,
最慘係落嗰吓, 因為落完雨, 變晒泥地超跣, 連有D 行開呢個山的外國人都話今日勁跣
我都還 ok , 傷了膝的波比先生就舉步為艱, 佢對鞋今日可能因為食晒D 泥, 攪到更加跣,
落大石同泥地的部分落咗好耐呀!!!

最後, 終於到去返D 鋪好的梯級路, 先行得安心返!
過了孖崗山, 見到舂坎角同赤柱的景色, 好靚呀!!!

14

15a

影到藍天白雲的相, 還了一個心願,
這幾個月都是落雨, 實在好難有咁嘅好天氣~

16

用了 2.5hr , 走畢這 6.5km 的路~
搭巴士去赤柱開餐, 肚餓得咕咕聲了!
可惜想去的餐廳太多人, 去了這間叫 Quick and Fresh Wellness Cafe,
但我想話, D 嘢得個樣, 好難食......

17

食完行行, 見到車展, cool!

18

見到好多小朋友同小狗, 大家也放假放得好開心啊!

此行另一目的, 就係去波比想去好耐的一間 cafe
the cupping room 在赤柱廣場二樓, 去到時剛好有近窗的最後一張枱, 多幸運!

咖啡絕對是水準之作, 原來呢度都有三文治, 早知頭先唔洗兩舊水去食垃圾啦!

19

波比點了這杯盧旺達咖啡, 非常重的果味, 甜甜的, 非常讚~

20a

是日出城完滿結束, 赤柱做終點的行程真係唔錯, 在山上遇到好多外國人, 都係行完就嚟海邊食個飯飲啤酒
有機會要約埋朋友再嚟呀~