2012年10月30日星期二

[愛住家菜] 大成功之炆豬軟骨

繼續本週補膠食療, 第二擊係整豬軟骨, 之前整咗兩次都唔係太成功, 軟骨未夠軟咬唔開,
今次用了鹵水汁、桂皮、八角、蒜頭作調味,
星期一晚煲了一個鐘, 放入真空煲炆過夜,
星期二早上再炆一個鐘, 再放入真空煲炆至放工, 期間用明火時要多次加水, 
放工回來, 因為我又遲放工, 聲控波比先生批蘿蔔, 切件, 
撈起豬軟骨, 用湯汁去炆蘿蔔十五分鐘, 再放返豬軟骨入去熱一熱, 完成了!!

今次終於都成功炆到D 軟骨都林晒吞得落肚喇! 好開心! 有鈣有膠原!!
味道好入味, 我覺得咸了少少, 波比就話 ok~
蘿蔔真係超超超好食呀! 又甜又入味又多汁, 正正正!

總結炆豬軟骨, 真係要用明火先得, 之前用真空煲焗為主真係唔得呢~~
五十蚊材料, 食到兩三日, 好滿足 :P

01

2012年10月29日星期一

[愛美食] 石崗咖哩屋@ 元朗 x 補膠

同波比住咗元朗咁耐, 都未一齊去食過有名的石崗咖哩屋
我讀大學時食過一次, 正! 不過佢食晚飯都唔平, lunch 又未必想食呢啲, 所以咁多年都冇去過~

facebook 見到鄰居山友去咗食, 波比又話要食, 終於星期日去了!
Set lunch $50-60, 又唔係好貴喎!
有炸洋蔥同埋春卷做小食

01

叫咗一個咖哩羊, 一個咖哩牛, 兩個都超好味呀!!
我同波比都大讚佢的咖哩汁煮得超正, 應該係用肉一齊煮咗好耐的!
所以個汁係有濃濃的牛味羊味, 點 naan bread 食一流!! 跟餐的 naan bread 份量好多, 讚!
後來先知原來加 $10 可以轉芒果汁, 哎呀, 蠢咗....... 佢成日喺門口賣啲好大個嘅芒果o架, 啲果汁一定超正, 下次一定要試試!

02

知道師弟膝頭哥痛, 唉, 我都好明白嗰種痛好無奈, 大家都就快要比賽,
所以就整D 好嘢益佢!
上網研究咗一輪有咩食物有葡萄糖胺, 答案係冇, 要食啲食物後由身體轉化製造的~
比較有助葡萄糖胺合成的話, 食蝦蟹殼似乎唔多可能, 唯有食啲有 ligament 的食物啦~
於是就煮個沙參玉竹雞腳湯, 呢個湯好清甜, 仲好多膠質呀! 正!

17

秋風起, 秋刀魚正!

16

仲有香草羊肩扒, yummy!

15

2012年10月28日星期日

[愛跑步] 新路線 - 南昌至九龍站

美好的星期日, 忽然慶起想跑去西九海濱長廊, 於是就研究吓有冇路線
在 forum 發現真係跑到的, 我們就由南昌站出發

run route

路線中有一個叫油尖旺寵物公園的地方, 超多狗狗呀!!!
見到黑色熊熊狗, 超可愛!!

03

仲有好多不同種的大狗小狗, 睇到都開心!

04


這條路線的重點是去到佐敦道要上行人天橋, 向九龍站 Element 的方向跑,
落橋後要回頭走一少段路, 就會有得過馬路, 可以行上橫跨三號幹線的行人天橋!
背後就是天壐和 ICC


07a

wow! 一覽無遺的西九景色, 超正!

08a

繼續向西邊海旁的方向跑, 轉左就可以落去西隧的巴士站!
在西隧口跑步的感覺, 正!!! 不過可能會俾人當作傻佬傻婆
但你唔好話喎, 原來呢度都有唔少人跑o架!!
有D 人激到跑入三號幹線的路段添!

09a

過咗巴士站, 會見到小路入西九海濱長廊, 點知 O 晒咀, 去到封咗, 話要俾美酒佳餚節準備喎......

10

唯有在碼頭旁行行, 好多船呀~

11a

本身想西九睇日落, 而家冇得睇..........

12

西隧在我腳下~

13

跑一程其實只是 4.5km 好短咋, 之後我哋跑去大角咀的 black n white, 歎返杯咖啡, 順便可以換埋衫, 正~

14

下次要再跑過呀!

2012年10月27日星期六

[愛自煮] 紫貝天葵

上星期在大澳買了一扎紫貝天葵葉返來, 依老闆講加埋山楂煲水飲,
落少少冰糖, 酸酸甜甜的很開胃!!!
紫貝天葵有鐵質, 又有抗衰老之效, 山楂就降血壓, 真係健康之選呀!

05a

今日好勤力練跑呀, 又由屋企跑去屯門搵 Daddy 飲茶,
不過自從上次好嚴重出風癱之後, 就唔敢跑完唔換晒全套衫,
所以要孭住個跑步背囊同衫同水咁跑 12km, 都唔係輕鬆~
今日唔係曬, 但唔知點解標汗標到吧吧聲, 抹完唔夠 500m 啲汗又多到滴入眼....... 抹都抹唔切, 好慘......
跑完換晒乾淨衫再歎吓茶, 爽~~~

就嚟踏入比賽季節的 11月, 要繼續努力啊~

2012年10月26日星期五

[愛跑步] 新鞋試跑之 Mizuno Spacer

唉, 見我幾日冇 update 又知我忙得史了~
病假王同事話自己又呢樣病又嗰樣病, 已經 sick leave 咗兩星期, 又話要 sick leave 多兩星期喎,
遇啱星期二放咗一日公眾假, 再有同事 AL 中, D case 累積加排山倒海地到,  日日做到放唔到工,
攪到日日都煮唔到飯, 再係咁樣, 我家變都似!!!

星期四我一朝睇了三個 BB 仔 case, 有一個9 日大的, 食完奶奶竟然會對著我笑, 很奇妙~

有一晚同波比去食麥當當的新包: 芝麻醬蝦堡, 都幾好食喎!

01

下星期就 asics 比賽了, 魔鬼波比先生引誘慳家老婆買對比賽用跑鞋,
本身我一路都唔大興趣的, 但魔鬼話著咗每 km 跑快 10 秒喎, 有冇咁勁先?!

波比推介呢對 Mizuno Spacer, 找上手真係好輕, 可能係我而家嗰對的一半

03

賣點是鞋底有D 膠粒, 抓地力強喎~
其實都唔平, 但練嚟練去成績都冇乜大突破時, 就想睇睇換對鞋有冇用?
不過我買完同波比講: 如果快唔到 10 秒你回水俾我!

星期四晚去跑咗轉, 嘩, 真係快咗, 不過我又覺得唔係完全關對鞋事, 因為呢排行山加跑都多咗,
剛剛在誠品書店又買咗隻教跑步的 DVD, 多用了佢教的跑法, 可能就幾樣嘢加埋快咗了~

不過呢對鞋都真係好著嘅, 好輕, D 膠粒真係會啜住個地下, 每一步都黐吓黐吓咁, 跑起來確實順了不少~

04

星期五晚, 終於可以抖抖, 回家途中去了荃灣新開的吉豬島行行, 嘩, 勁多人......
入面有間高級版 A-1 bakery, 買了 Italy Soft Cheesecake 同埋 Mint Chocolate Cake,
Mint Chocolate 勁勁勁好食呀!!  讚!!!

02

2012年10月23日星期二

[愛烘培] 跑山 x 自家紅豆蓉麥包

今日多謝鄰居又車我哋去大棠跑步, 涼爽的天氣, 好正呀~

05

沿途有好多人帶狗狗行山, 呢隻大白狗好可愛!!

06

用 1hr45min 跑咗 14km, 爽! 不過好多上斜落斜, 上斜真係頂唔順, 全行啦~
見到好多蝴蝶、蜻蜓同雀仔, 走訪大自然的感覺真好~
見到D 人好過份囉, 九點幾就上到嚟燒雞翼, 引死人喇~~~~
波比先生跑 21km, 返到嚟成十點, 去美都食個早餐, 歎!

之後去 shopping, 買咗好多食物~
第一次整紅豆蓉, 因為嫌街買的太甜了~
七蚊雞半斤整到勁大兜, 其實同整栗子蓉差唔多, 浸豆, 煲半個鐘再用真空煲焗一個鐘,
當豆林晒就放入攪拌機打成蓉, 傳統的會再落鑊加糖加澄麵炒, 會香D,
但我怕麻煩, 成蓉後加糖攪勻就算了~

09

補給了麵粉後, 整了紅豆麥包~

10

今次唔記得咗落牛油, 但又發得好鬆好正呀!!! 整包真係唔可以心急~

11

晚飯煮咗簡單的肉鬆皮蛋豆腐, 原來加點醋有提味效果~

07

仲有用前幾日喺大澳買的蝦醬蒸肉餅, D 蝦醬好滑呢, 不過我諗冇平時的咁咸, 下次要落返多D D~

08

2012年10月22日星期一

[愛美食] 韓松園@ 元朗

星期一, 返 rehab 醫院, 因為聽日放假所以今日勁多嘢做,
遲放工所以又冇煮飯了~

在倒數緊應該仲有4 次要迫沙甸魚車返工, 就可以自己揸車喇!
真係好討厭巴士內人貼人咁迫, 九巴都唔開密D 班次!
在隧道口轉車, 又勁多人食煙冇人理, 攪到次次都被迫食二手煙, 日日咁搭真係命都短幾年 >.<

今晚又在元朗搵新嘢食, 忽然想食韓菜, 就 search openrice 去了一間叫韓松園的小店,
入到去都幾多人, 我好滿意呢間食店呀,
先係侍應好好禮貌又盡責,
打開餐牌, 食物種類多又價錢合理,
先上菜的是人蔘雞湯, $78 竟然俾足一隻雞!!!

01

本來對呢D 雞都冇乜期望, 點知佢肉又好滑, 雞脾好好味呀! 仲有一兜仔椒鹽俾你點雞食, 讚!!!

02

跟住係泡菜薄餅 ($34), 好脆, 不過如果粉少D 泡菜多D 就更好!

03

牛肉石頭飯 ($58) 好得呀, 枱上有辣醬可以自己加, 多種不同的配料, 撈埋食真係一流!
最後個底仲有飯焦的, 非常讚呀~

04

飯後行吓 Yoho town 後面一帶, 真係開多咗好多新食店, 有好多都好想試呢!

2012年10月21日星期日

[愛美食] 2012 大閘蟹慶生

尋日行完山, 其實我又唔覺得好 harsh, 但今日真係勁勁勁攰...........
上午唔出街了, 喺屋企做家務, 同埋整麵包, 好耐冇整包喇~

秋風起, 栗子靚, 早幾日買了一大包, 用一半來煲栗子腐竹糖水,
還有一半, 用來整栗子蓉, 先是烚 15 分鐘再焗 5 分鐘, 用叉子壓爛,
之後連同少許黃糖、olive oil、仲有好健康的亞麻籽一齊放入攪拌機, 攪呀攪,
就完成了我的自家栗子蓉了!

01

好耐冇整湯種包, 加入好多餡~

02

點知呢批包發得麻麻, 唔夠大 (反而另外兩個其他包就發得好好, 自從換咗個焗盤太大, 冇一個地方可以保溫的發酵添)
但就好飽肚, 又超多餡呀, 真係健康~
平時街上餅店的栗子包栗子蛋糕, 用的是一 pat 啡子的「栗子蓉」, 但真係諗極都唔明點會咁嘅色,
唯一可想像到的, 就是加了很多的人工色素同人工調味.......

04

夜晚去了朋友家, 訂了好多大閘蟹~

01

公的膏非常滑, 要用 creamy 去形容

02

乸的膏非常之香, 仲好濃味, 太正了!!!

03

仲買咗生蠔同三文魚, 不過人人食完都話覺得冇食過嘢落肚咁..........
於是我去了買湯圓, 整埋D 薑茶, 實在好滿足~

04

之後就是慶生時間, 朋友買了 Tony Wong 的朱古力蛋糕, 嘩, 真係好食到冇朋友!!!
我想說是我人生中食過最最最好食的生日蛋糕!!!

05a

很開心的一晚~

2012年10月20日星期六

[愛行山] 東涌至大澳 20km

Yeah~ 今日又同醫院同事行山, 第一次行大嶼山超興奮!
搭 E34 去都係大半個鐘, 方便過去西貢好多!

今日行程 17km, 由東涌地鐵站行去大澳~

map

出發了, 第一個 check point 就是山頂那 360 站台!

03

一嚟就係咁上, 又吧吧聲咁禁晒汗..... 好彩今日帶足寶礦力, 冇抽筋~
今日天氣其實都算唔錯, 冇前兩日咁大霧, 睇到唔錯的風景~

06

wow wow wow, 就到喇!!!
唔肯搽太陽油的波比先生, 曬到愈來愈似耕田佬......

08a

嘩哈哈, 呢個位目及嘢一流喎!

11

360 在我手中!

12a

第一次咁樣睇機場同東涌

13

呢條路幾得意, 好大部分是木搭的路, 行到震震吓
然後, 是超斜同直的梯級

14

一路上呀上, 上到 360 的一個中途站,
每當有 360 經過, 我哋就大聲同車箱內的人 "Hello, Welcome" 或者 (普通話) "歡迎",
D人見到我哋又好開心揮晒手, 超攪笑!!! 我哋影佢哋時, 又俾佢哋影返, 我哋成為了一個景點~

15

旁邊有好多小山

16

離開個站, 再往昂平市集方向去

17

yeah yeah yeah , 終於都到了!
呢度地方其實唔係好大, 如果唔係嚟拜佛, 其實都有D 無聊!

19

遇上巡遊

20

A 貨林村許願樹

21

23

先是一大段落山的路, 見到小水塘

24

落完又上過, 嘩, 我仲以為唔洗再上添......
佢哋今日仲行得好快, 追死我喇......

29a

努力努力!!!

34a

最後一個山峰了, 之後就落落落~

38a

跟住一班資深的行山人真係好, 聽聽佢哋講解不同地方的歷史, 真係增廣見聞!
去到一個叫龍仔悟圓的地方, 唔係團友帶入去都唔知咁靚!

40

42

個池塘勁多魚, 團友犧牲了一個雞尾包俾我哋影相, D 魚好狼呀!!!

43

再落落落, 落一條有 60 度的路, 真係斜到 sir 落去都得!
之後就去返海岸了, yeah~~ 這就是大澳!

44

有D 團友繼續行返東涌, 成30km 呀!!
我同波比就遊吓大澳, 等船返屯門~
好好人的團友又教我哋邊度搵食正, 佢哋真係好 expert!!!
呢間張財記的蝦醬個個都話正喎!

46a

跟住食咗炭燒雞蛋仔, 超好食, 真係外脆內軟, 又香牛油味!

47

49

之後我哋遇上一間超超超正的 cafe, 係對住河景的!!!

51

點了一杯虹吸咖啡同芝士蛋糕, 望住河景, 嘩, 人生真係好寫意~~

IMAG1165-1

又再搵食, 買了糯米糍, 砵仔糕, 仲有燒海鮮!

52

炭燒鮑魚, 好味!!!

53

54

還買了辣椒油、紫貝天葵、咸檸檬, 收穫好豐富!

日落了~

55

57

60

我們第一次搭往返屯門的小船, $25 , 一小時就返到屯門, 方便過又去東涌又搭巴士

61

小小的船, 好得意~ 途中可惜見唔到中華白海豚~

62

返到屯門剛 7pm, 同 Daddy 去聯邦食晚飯, 超滿足的一日啊~