2009年4月30日星期四

高度戒備

因為 i/c 放緊假, 今日我臨時被召去開個 Ad hoc Swine Flu meeting,
因為我是 Department 的其中一位 infection control coordinator (感染控制協調員)

開會的全部都係最高級的護士長、病房經理同醫生, (只有我這小小的 small potato...)
講者講述一下而家事情的最新發展,
同埋作為一個 coordinator, 返去自己 dept 要好好教育同事應有的 infection control measure,
雖然而家仲未打到嚟, 但大家都做足最好的準備!

留意吓 WHO website -
What are the implications for human health?
Outbreaks and sporadic human infection with swine influenza have been occasionally reported. Generally clinical symptoms are similar to seasonal influenza but reported clinical presentation ranges broadly from asymptomatic infection to severe pneumonia resulting in death.

原來死因真係 pneumonia.......

近來行街都對咳聲痰聲好 sensitive, 嘩, 但仲係日日見到D 咳都唔遮住個口嘅人囉,
仲要係埋晒D 中年阿叔囉, 尋晚一個人去食樂園, 坐我對面個阿生又係咳唔遮住囉! 都黐黐地o架!!!!!
見到D 咁嘅人真係好嘔血, 或者下星期都係要自己戴住個口罩出街好D!

今日係一個好難得嘅日子, 因為 i/c 同老細都唔喺度, 放工後師弟就提議我哋幾個一齊影吓相!
哈哈, 冇諗過我哋會影 D 咁低 B 嘅相! 同埋師弟扮 electrolarynx 把聲真係好爆笑 XD!

由當初得師弟, 到我, 再有師妹, 再有鬼妹仔同事, 愈來愈多年青人,
返工感覺都開心咗好多~

2009年4月29日星期三

恩愛夫妻

我有一位 Patient, 可說是好不幸的 case, 咁年輕就 stroke 了.......
但她有一個 200 分的丈夫, 見到他們總羨煞旁人~

太太中風後行動不便, 吞嚥困難頗嚴重, 起居生活都要人照顧,
丈夫是一位商界才俊, 日頭忙工作又要 OT, 但晚上總會與太太傾偈, 講笑話, 講急口令,
放假時, 遠遠的駕車由九龍東入屯門黃金海岸, 推著太太的輪椅行海邊吃露天餐廳,
太太吃得不好, 他會慢慢餵~
剛剛結婚十週年了, 太太說遺憾十年前沒有影婚紗相, 丈夫就和她去影了一輯!
結我看看相片, 嘩, 好恩愛的模樣~

有時丈夫陪太太來做訓練, 丈夫樂天的性格, 似乎完全不當太太中風是一回事,
他會用開心又含情脈脈的眼神望著太太,
這一個男人, 很特別; 這一個女人, 真的很有很有福氣!
因為她找到了一個無論疾病健康, 環境順逆, 都愛護她的人~

常常說離婚率很高的香港, 讓我還遇到他們, 讓人知道其實世界還有很多真愛~


今日放工後去九龍醫院聽 seminar, 之後一個人於旺角遊盪 + shopping,
行教協見到 Loacker 新出的 Dark Chocolate 餅喎, 又有我最愛的果仁朱古力, 買呀買!
仲有買咗 D 維他命呀~ 呢隻都算有少少 Vitamin D, 又有好多其他嘢, 食一排睇吓會唔會好D 先!

Chocolate

2009年4月28日星期二

鍋貼大王

老婆間歇性大頭蝦冇帶鎖匙, 煮唔到飯唯有買外賣,
試試又新街新開嗰間鍋貼大王先, 日日都人山人海呀!

大家估吓呢餐幾多錢?

Dinner 0428

只係 $60 咋, 飽史了!
除咗個粉仔之外, 其他都好好味, 個鍋貼真係超超超正呀!
令人想起台灣夜市的鍋貼同生煎包呢!!!

還我清白

豬流感引起一片恐慌, 麥兜身為春田花花幼稚園代表,
今日要企出嚟澄清一下關於 Swine Flu 的問題!


「 豬 流 感 」 名 稱 誤 導 公 眾
【 本 報 訊 】 國 際 專 家 及 世 界 動 物 衞 生 組 織 昨 日 稱 , 全 球 現 時 採 用 豬 流 感 ( Swine Flu ) 的 名 稱 不 正 確 , 因 大 部 份 個 案 與 豬 隻 無 關 , 名 稱 卻 誤 導 公 眾 以 為 此 病 從 動 物 傳 染 , 要 求 正 名 為 H1N1 流 感 病 毒 或 北 美 流 感 。 報 告 最 新 傳 染 病 的 網 上 刊 物 「 ProMED 」 刊 登 文 章 稱 , 此 病 毒 為 甲 型 HIN1 , 當 中 混 雜 豬 流 感 的 基 因 , 但 流 感 只 感 染 人 類 患 者 也 沒 有 接 觸 豬 隻 染 病 , 故 應 稱 為 H1N1 流 感 病 毒 。 世 界 動 物 衞 生 組 織 也 指 , 暫 時 仍 未 在 動 物 如 豬 隻 分 離 出 這 種 病 毒 , 故 稱 為 豬 流 感 並 不 適 當 , 要 求 以 爆 發 地 區 命 名 為 北 美 流 感 ( North American influenza ) 。

D 人都唔知有冇攪錯, 無啦啦賴咗落嚟我哋 D 豬度,
家吓唔係禽流感呀, 大部分人都唔係因為接觸過D 病豬或食過染病豬肉而得病, 更加冇大量死豬!

From CDC website:

Can people catch swine flu from eating pork?
No. Swine influenza viruses are not transmitted by food. You can not get swine influenza from eating pork or pork products. Eating properly handled and cooked pork and pork products is safe. Cooking pork to an internal temperature of 160°F kills the swine flu virus as it does other bacteria and viruses.

反而墨西哥俾到世界嘅資料好少, 染病嘅人有咩 in common 呢?
去完墨西哥旅行而染病嘅人, 又有咩 in common 呢? 佢哋都去過咩地方呢?
病咗嘅人, 又係因咩而死呢? 係 respiratory failure? pneumonia? 定係其他嘢先?

最攪笑係接待過奧巴馬嗰個索里斯就係死於 pneumonia,
但佢係因咩病而 pneumonia 得會死咁嚴重?
當局一路都冇解釋喎......

唉, 有好多好多疑團喎?!

2009年4月26日星期日

幾時先好???

由去完澳門到而家, on and off 的病了好了又病,
呢幾日就係發燒 + 頭痛 + 頭暈 + 想嘔....... 食了一點止暈藥又好D!

今日 sang3 鼻水時, 如平常的大力, 點知隻左耳「噗」一聲, 跟住好痛......
嗰吓真係驚個耳膜會穿 (我以後都唔敢咁大力了!),
好彩過咗大半日又好D, 聽日返工都係要去 staff clinic 睇醫生喇......

成日睇醫生成日食住藥, 又攪到好眼瞓,真係好辛苦...
病魔快 D 走啦!!!!

豬流感的消息, 實在好恐怖呀~~
醫院的隔離病房, 睇嚟好快會爆滿了~

2009年4月25日星期六

再戰酒泉

上星期日想去食特價時段的酒泉壽司, 12:20pm 去到, 點知出面排晒長龍, 好誇張!!!
以前呢個時段, 一向都冇乜人o架喎......

死心不息, 今日一早就再去喇!
11:30am 準時到達, 嘩, 已經有唔少人! 到 12pm 已經坐滿 2/3 人了!
來了好豐富的一個日式 Brunch!

可能因為係全店的第一批 production, 食物比平時更新鮮!
$11/件 的海膽壽司實在太太太抵了!
酒泉壽司

酒泉壽司

酒泉壽司
今日開始, 轉用 Flickr 擺 Blog 的相片, 發覺 Flickr 真係好好用!
免費都有每月 100MB 的容量, 擺 Blog 相片一定夠! 起碼唔會 load 唔到呀~
US$24/ year 就有 unlimited upload 喇, 真係抵!

反觀我用開的 fotop.net 真係唔知出咗咩問題, 成日都 load 唔到相......
6 月我的 account 就到期了, 下次我都唔續過咁貴嘅 plan 喇!
係而家有 1.2GB 相喺嗰度, 唔續唔得咁解咋~

我們都是在屋村長大的

我和波比先生, 都是在公共屋村長大,
三四百呎的家, 住了四個人,
客廳就是睡房, 騎樓又變了廚房, 小小的廁所只可淋浴, 大概要去到別人家才知什麼是浴缸,
沒有讀過名牌中小學, 沒有學過十八般武藝,
但自己的努力加少少的恩賜, 今天我們都可擁有一個舒適的家。

有時候談論如果將來有個小朋友, 要換大點的屋, 請個工人, 要搬去好的校網, 要學到十項全能,
但其實, 我們都不是這樣長大的,
當然, 如果你好好安排了以上一切, 小朋友的路會比他人好走,
但是, 就造就了很多身在福中不知福的小朋友, 覺得生活上爸媽給予的一切都是理所當然的

星期日的港台節目, 訪問了「Y 世代」的年青人,
有父母的護蔭, 一個大學畢業生 = 無所事事的失業青年,
因為不用養家, 還有人養, 所以不愁沒工作,
最頂唔順佢阿爸:「大不了就供佢讀多個 Master 先」,
我實在不明白「沒工做而去讀 Master 的理論」,
更不明白那年青人都廿幾歲, 怎麼好意思還要攤大手板向家人要錢。
失業率高企? 我始終不相信你肯做會無工做!

波比老細的小朋友向他說要買一部 i-Phone, 理由是其他同學人人都用 i-Phone,
老細頭痛非常, 買抑或不買? 如何向小朋友解釋不買的原因?

太豐富而又垂手可得的一切, 滿足於現狀,
現今的小朋友還知道要像自己的爸爸媽媽, 靠自己的努力去拚博一切嗎?
所以給予小朋友多或少, 要好好衡量~

住屋村的, 也可成十優狀元; 住九龍塘的, 也可以一無是處。

2009年4月24日星期五

悲劇

今日上病房睇咗一個 case, 覺得係一個悲劇......

初時收 referral 都完全唔知係佢, 上到病房, 睇排板,
呢個病, 又係巴士司機, 令我想起一個我三月尾同佢做個內窺鏡檢查的病人,
叫文員幫我 check 紀錄, 真係佢, oh my god.......

嗰次檢查的結果, 當然係話佢要 Tube feeding,
佢係好抗拒, 但經過醫生好 firm 的一番說話後, 佢都開始接受,
醫生寫咗 referral 俾佢去外科排期做 PEG, 點知一等, 就要一個月了.....

一個明明唔可以用口進食的病人, 要佢等一個月,
呢一個月期間, 又唔同佢插住 NG Tube 先, 結果佢都係每天繼續地用口進食....
結果...... 嚴重肺炎入院, 在 ICU 裡過了死過返生的日子,
但今日見到佢, 奄奄一息的在病床上, 同上次見佢仲行得走得完全係兩個人.....
真係好陰公好悽涼.....

點解做個 PEG 都要等一個月呢? 係咪因為 4 月太多人放假?
如果早 D 可以俾佢做 PEG, 呢個悲劇又係咪可以避免呢?
其實佢肯接受做 PEG, 佢根本冇錯... 點解要咁樣對佢呢?

2009年4月23日星期四

2009年4月22日星期三

2009年4月21日星期二

昏迷咗

最後一日的假期, 去了探兩位師姐,
其中一就係會同我一齊讀 Master 的, 佢與我同樣住元朗,
佢平時最鍾意搭的士出入, 哈哈, 我哋今日先 plan 緊點樣點的士返學!
因為由元朗返學, 都要成個半鐘車, 真係唔好玩啦!
有人 share, 一齊搭的士好過喇! 本來諗過買車方便返學, 而家都可暫且擱置先咯~

食咗新醫生開嘅藥, 嘩好勁, 超眼瞓, 由 5PM 瞓到 9:30PM!
唔係波比先生叫醒我, 我諗我可以繼續瞓囉.....

港女發狂之港男發瘟

尋日搭地鐵, 見到 poster 原來又有詹 sir 的 show, 今次仲有林奕華!
Topic 係 [ 港女發狂之港男發瘟 ], 睇介紹已經好攪笑!
於是返屋企即刻上網睇睇, 唔好意思, 四場D 飛都賣晒咁滯......

等加場之際, 今朝睇報紙, 先知原來 26-28/6 有加場, 仲要係今日 10am 開始有飛賣!
因為用白金 Visa card 去城市電腦售票網售票處有 75 折,
所以今日晨早出去買飛, 好開心用 $180 就買到 $240 嘅飛喇!!!
平時我哋只會買最平的 $170 飛o架咋, 今次可以近 D 睇喇!!! Yeah!!

我哋睇 27/6 的 2:30pm 場, 有冇人一齊呀?

今朝仲做咗好多嘢呀, 頂唔順去咗睇醫生喇,
喉嚨痛到俾火燒咁..... (可能因為尋晚食咗炸雞....)
又去咗銀行, 又去埋買早餐俾波比先生, 做個乖老婆!

2009年4月20日星期一

陪老公重遊舊居

今日波比先生陪我一齊放大假, 咁難得兩個人都喺閒日一齊放假,
一定要做 D 平時做唔到嘅事~

我哋遊吓遊吓, 決定去波比長大的屋邨逛逛,
搭了西鐵, 喺南昌站轉 18 號巴士, 經過了深水埗一帶的舊區,
係放假, 先會有衝動咁拍拍照

深水埗的警署, 幾古色古香o架!

兜咗好耐巴士, 終於都到了!

波比先生帶我去齊佢的幼稚園及中小學, 仲有公園同商場




最後我哋仲喺大排檔食個 Tea, 好味過好多茶餐廳,
奶茶真的有濃濃的茶味, 西多士亳不吝嗇地塗滿花生醬,
望著那吹呀吹的牛角扇, 這都是我的童年回憶!

見到好多學生放學, 重重的書包同一袋二袋 PE 衫同飯盒, 令人懷念~
女孩的三五成群, 又有的一男一女似係保持距離但又走得充滿默契,
你猜我又估你的心意, 時不時流傳著他和她的緋聞, 這就是我們的中學年代~
忽然覺得自己好老了~

之後由何文田行落旺角, 冇乜人嘅街道行得份外舒服!!!
慢慢的行好景行教協行星際行金魚街~ 慢慢的 shopping 真寫意!

話說前日都有行金魚街, 見到一隻好好好可愛的兔仔,
一向都只看不買的我, 實在對那隻兔仔念念不忘, 有點一見即合的感覺,
所以諗咗兩日, 上網睇咗 D 資料, 考慮了自己有冇能力去照顧,
決定今日再去, 如果見到佢仲未賣出, 我就帶佢回家了!
去到呢, 仲見到佢呀! 不過再想了想, 恐怕始終會令波比先生不習慣,
所以最後都打消了購買的念頭喇~

我哋都係繼續每星期喺元朗, 喺旺角看看寵物店的動物仔,
開心一下就滿足了!
養小動物呢, 係一個承諾啊~

2009年4月19日星期日

猜猜看

大家估吓球場內嗰一點係咩嚟?

哈哈哈, 咪就係跑緊步的波比先生!

波比先生都算乖了, 近幾個月養成差唔多日日跑步的習慣,
成功減去十幾磅肉肉, 肚腩仔都差唔多冇晒 (仲有少少 call 機肉啦)

相反波比太太仍是十分之懶, 只愛坐和睡.....
體重在近月不斷增長!
睇嚟我都真係要的起心肝做吓運動了, 夏天快到喇!


2009年4月18日星期六

下雨假期

唉, 落大雨, 想去離島去行山去大埔全部都冇得去......

不過今日的節目還好啦, 先同波比先生去食個 Late Lunch (應該係 Tea),
2pm 去到 New York Cafe & Bar 都仲人山人海仲有人等緊位, 洗唔洗呀......
行多兩步, 見到元朗人家, 不如飲茶吧, 橫掂好耐冇兩公婆去飲茶了!

2pm後有下午茶時段, 叫咗 5 款點心 + 一碗乳鴿瀨都係 $95.5 埋單,
真係好抵呀~
而且元朗人家嘅點心呢, 係好有舊式茶樓嗰種風味,
同你去美心、好彩呢 D 大集團好唔同o架!
每一樣佢都有用心去做, 款款真材實料, 用料一 D 都唔求其!


之後去咗行旺角, 落住雨都唔係太有 Mood 慢慢行,
不過都振興到香港經濟, 買咗兩件衫, 一個袋, 兩份玩具添!
係呀, 我又買私伙玩具喇, 係前日 Cora 所講嘅蛋糕呀, 竟然俾我見到!
仲要係 $68 咋, 點可以唔買! 真係好靚好得喎!
最後一站, 都係去 D 鐵路直達唔洗 dup 雨嘅地方, 就係又一城喇!
去 Pacific Coffee 嘆咖啡同食朱古力蛋糕, 以為當時只係5pm,
原來已經 7pm 了! (係喎, 我哋飲茶時都兩點幾....)

行咗陣 Logon, 行咗陣 Taste, 買埋今晚的晚餐就走了~

過兩日可唔可以好天D 呀?

2009年4月17日星期五

Pig @ Mother Farm

去日本的相片, 還有些精選要送俾大家!

佢哋係 Mother Farm 的小豬! 未比賽前喺度瞓覺, 幾嘆呀!


米飯班主嗌佢哋起身了!


Ready! Go!!
嘩哈哈哈, 我都未見過D 豬真係會咁落力去跑!

但都有 D 跑跑吓去咗擔樹枝......


仲有隻跑跑吓去咗鑽地洞 =.=!!

如果有小朋友的話, 一定要帶佢嚟呢個農場,實在太可愛太多驚喜了!

2009年4月16日星期四

好久不見 Gathering

原本四人的 gathering, 其中三人都病了......
最後只得三人 + 臨時頂上的波比先生

多謝青青的喉糖啊, 啱啱我先食晒一盒仲想買;
多謝 Cora 的手信, 個朱古力餅超好食!!!

今晚意粉屋的食物都超正啊, 尤其是個 Pizza!
反而甜品就麻麻地啦~

澳門最終回

去澳門, 點都要去一去大三巴嘅!

當日遇上有活動, crazy 的多人!!!! 再行去舊街一帶

遇上了一間開放中的古老小屋

處處都人山人海, 去鉅記買手信更是恐怖!!!
成間舖頭擠得人頭湧湧, 好似唔洗錢咁搶手信, 嘩, 又話經濟唔好!?
以前要喺街頭夾硬質人試食的場面完全絕跡了!

好耐冇試過公眾假期去旅行, 實在怕怕那人迫人的感覺...... 太恐怖.....

我們的下一站是那裡?
哈哈, 盤算中 7 月有冇假期去新加坡,
跟住要到 11月先再會放大假, 都係去東南亞呀,
泰國? 台灣? 馬來西亞?

2009年4月15日星期三

唔合格!!!

澳門之旅, 竟然同米雪住埋同一間酒店,
於是相約了第二天見見面, 順便見一下大個了的 Siu B!!!

噢, Siu B 愈大真係愈靚仔, 連波比先生都讚佢係一個靚 BB

第一次想俾波比先生抱吓 Siu B, Siu B 唔制~ (驚驚 + 匿埋)
點知轉個頭去到 Lift 口, Siu B 見到波比先生, 忽然間舉起手想撲去波比先生到,
莫非俾佢的紅衣吸引?


但係波比先生一抱 Siu B, 嘩, 真係我仲驚過佢!!!
佢抱到咁嘅樣, 我真係好驚佢會整跌 Siu B 囉!!!

唔合格呀!!!

唉, 如果第時我生仔, 一定好勞氣....
淨係要教個大嘅點樣照顧個細嘅, 都一定有排煩......
如果是仔的, 我深信一定會似足波比先生是個搗蛋王!

今日剛同大學的老師 Polly 通電話, 佢問我打算生未呀?
哈, 未有耐啦, 讀埋個書先,
用呢兩年時間, 去評估一下究竟我哋有冇可能照顧到一個小朋友, 冇就算罷啦~

Siu B 同我一樣, 去完旅行就病了...
我都係不停地流鼻水同喉嚨痛, 食極藥都未見明顯好轉....
喺病房不停地包雲吞, 一日包足二三十隻囉~

希望 Siu B 同我都快 D 好返啦~

2009年4月14日星期二

威尼斯人內與外

上一次遊威尼斯人, 影咗好多室內相, 但完全唔識行去室外的攝影點,
今次醒了! 主力影外景!



雖然明知是仿製的, 但都覺得好宏偉啊!







好似 Postcard 呢!





呢度係隔離的 Four Seasons Hotel, 覺得佢比威尼斯更加靚,
多了一份古典味, 少了一份浮誇的俗氣





2009年4月13日星期一

澳門之日與夜


今次成功用三張相 merge 埋, 製成了呢張 Panorama 喇!

這是從 Corwn Hotel 38 樓的望向澳門半島的景色,
遠眺到觀光塔, MGM, 新葡京, 永利等大地標,
如果夜晚嚟睇, 一定仲靚!


食完美心亨利一出餐廳, 就是這醉人的景色了~



我們再步行至市中心



新葡京的裝修真係極盡富麗堂皇, 去過咁多地方,
澳門酒店的設計真係令人好大開眼界!




今日寫到呢度先, 因為尋日一起身就作病,
今日更喉嚨痛到好似俾火燒咁, 仲有發燒流鼻水.......
聽日點返工......

澳門行之美食篇(2)

第二日, 我哋有 7 個人去咗金沙 888 食 buffet,
本來係想食葡京的自助山, 點知打去 book 位時, 職員話而家冇做 lunch, 淨係得 dinner buffet...
所以都冇去到 lu~

今次係第二次嚟金沙, 不過令人好失望的, 係冇晒長腳蟹同加菲蟹食, 又冇咗生蠔,
唔知係咪咁嘅緣故, 價錢就由 $158 平到去 $108

整體食物都 ok 嘅! 可能第二次食, 冇第一次咁興奮了~
都係甜品特別出色, 有個蕃薯造的蛋糕好好味, 好似日本的甜品!


臨走之前最後一餐, 係去咗氹仔的鋒景餐廳, 嗰度睇到澳門半島的夜景, 好靚啊!

米通炸魚球, 好脆!
炸蠔, 好大隻, 好滑!
豉汁焗鰻魚, 嘩, 個汁整得好好味, 鰻魚好厚, 又估唔到食落咁滑又啖啖肉!



嚟呢度都係為咗食蟹粥, 仲有叫咗鮑魚雞粥,
D 粥係煲得好綿嘅, 不過一食入口, 好咸...... 好似好味精..... 我又食唔到蟹味同雞味...
食完淨係口渴囉.....

比起我之瓶嚟食過的蟹粥, 真係有點失望....



Anyway, 此行食方面都好滿意o架喇~