2008年9月30日星期二

終於都成功

嘩哈哈哈, 今日超趕都要搭到村巴放工,
我要煮飯呀!!!!

我總覺得元朗大橋街市入面冇檔係好o野,
d o野賣到勁貴, 買兩個西蘭花要 $17!! 黐線o架....
想買幾粒磨菇都 $15! 嘩, 唔好去搶! 仲話已經好平, 度度賣緊 $48/斤喎!

d 舖頭 d 阿叔阿姐個個開天殺價,
又好似同你有仇咁, 個個黑口黑面多謝都冇句,

呢度買o野o既選擇又好少,
如果唔係我架村巴迫住要o係度落車,
如果唔係同益街市咁早收, 我史都唔會o係度買餸呀!!!
真係火都o黎埋!

今晚煮o左肉醬意粉, 今次煮得好滿意呀,
呢隻外國貨的意粉果然比惠康牌好味呀


仲有焗黑椒雞翼, d 皮焗到好脆, 正呀!

2008年9月28日星期日

豬太廚房重開

今日中午難得冇出街食, o係屋企煮飯仔,
率先試用o下 Ashley 送的煎奄烈鑊仔先

正面


背面


拆開包裝後, 好可愛, 似玩具多 d!


個鑊仔好細, 好快就熱, 掉o左 d 腸仔同蛋落去, 冚埋!


過一陣, 一反, 嘩, 好靚啊!


不過波比先生話下次唔洗整咁熟,
半生熟會仲正!


同場加映, o係北海道買返o黎o既魷魚筒飯,
都係睇o左人o地個 blog 先知係正o野,
否則你o係手信店見到都唔知係乜!


蒸 10分鐘就得, 切開o黎食,
嘩, 好好味呀~~~ 飯滲滿了魷魚香味, d 魷魚又唔會難咬喎,
好正呀! 再去北海道o既朋友, 記住買o黎試試呀!

2008年9月26日星期五

Ladies' night

今晚波比先生話去同大學同學 Men's Night 喎,
好彩我都有我的 Ladies' Night,
相約了網友仔 Ashley 食飯


本來想去酒泉的, 點知太太太多人了....
於是去o左隔離的 Oliva, 今晚的食物都唔錯啊, 應該算係比上次的好~


有羊肉中東包 (其實後面的蝦片先係主角)



凱撒沙律整得幾好喎!



仲有一個什菌意大利飯, 幾得啊, 好多菇菇呢~


多謝 Ashley 的可愛小廚具, 我一定會好好利用佢o地呀~


Ladies' Night 的話題很多很多, 實在太開心,
睇o下幾時我o地又出o黎影相, 或者約埋米雪去探 Siu B?

2008年9月20日星期六

Free Day

今日本來約o左舊同事食飯, 但忽然取消,
空閒的一日, 終於開始寫我o地北海道之旅o既遊記,
請朋友仔用你的 Yahoo Blog login 收看


今晚去搵 Daddy 食飯, 二宜樓多o左好多菜式呀,
今晚食o左梅菜扣肉, 當然唔係好健康, 但耐不耐一次半次, 真係正呀~



LX3 繼續 testing, 新加o既 Pinhole function,
影出o黎o既相好似針孔相機咁, 影某 d 情景會幾有味道的!


2008年9月19日星期五

酒泉日本料理

元朗有間酒泉日本料理, 聽就聽o左好耐, 但我o地反而一次都未試過~
因為佢差唔多o係教育路的最盡處, 好少行到咁入


今晚去o左o個頭搵食, 見好多人喎, 記得 openrice 又好多好評喎,
就入o左去喇!


一打開 menu, GOOD, 選擇比同區的日本菜多元化,
價錢屬中等, 有某 d 食物都幾抵!
唔講喇, 去片你就知有幾正!


$30/五件的三文魚腩, 超厚超多魚油的感覺, 好正啊!



先 Order o左 4 款壽司



呢個海膽壽司係超超超讚!!!
4 大片撻o係壽司上, 入口好好好滑仲好甜,
我敢講係我o係香港食過好 Top 的海膽
(其實我一向都唔太喜愛海膽, 但呢個真係掂呀, 食完想 encore 呀!)



帶子好大好新鮮, 雖然仍然係板長的好食 d~



三文遺傳了元朗風格 - 長!



呢個玻璃蝦都唔錯, 稍為乾身



花之戀 - 真材實料呀, 好大堆蟹子沙律o係上面呀!



吉列炸蠔 - d 蠔就真係太細隻, 唔推介



吞拿魚 - 好普通...



整體我o地都好滿意, waiter 好有效率, 不停加茶收碟~
為o左個海膽, 我o地都一定會再幫襯呀!!!


以上 d 相都係用 LX3 影的, 陰暗的環境表現好好啊,
ISO400 , noise 控制得好好!

2008年9月17日星期三

由 LX2 到 LX3

今晚終於都有時間開部 LX3 出o黎喇!
兩兄弟影張相先!





試相時間


(1) 養和堂龜苓膏 (去痘痘佳品)


好似冇乜特別?



(2) 日本蟹棒 (波比先生至愛)


開始見到 d 景深效果未?



(3) 新機影舊機


2.0 大光圈真係好正呀, d 相 sharp 過 LX2 好多, 淺景深的效果進一步提升!
仲有 Noise reduction 做得好o左好多, ISO 400 之下, 以前一定朦到一點點,
而家幾正!



2008年9月15日星期一

Mega Box 初體驗

雖然 Mega Box 已經開o左好耐好耐,
但豬生豬太都未去過, 今日我o地終於都出城一遊


入到 Mega Box, 有超可愛的大小白兔燈籠啊!
開心死人!




跟住我o地去o左行 B&Q, 見到 d 好靚o既貼牆o既貼紙,
不過諗o左好耐, 都係冇買到...


再去 Spotlight , 令人眼前一亮, 賣的手工材料實在令人嘆為觀止!
尤其是貼紙呀紙呀樣樣都好靚啊!
第一時間想起愛 DIY 的 Ashley, 妳有成日o黎呢度逛嗎?


仲有此行係想去一間叫 ELC 的玩具店睇玩具,
嘩, d 玩具好靚, 不過全部都太貴了, 買唔落手...


之後, 去o左 5 樓的 Cheese Cake Cafe 食o左個 Tea Buffet,
超讚啊!
焦糖布甸, 咖啡, Tiramisu, 水牛雞翼都好 yummy yummy!




諗o左成個月, 最後今日都係買o左部 LX3 喇!
試o左少少機都覺得 function 好正!

2008年9月14日星期日

中秋節快樂

放學之後, 去o左波比媽媽屋企食飯做節,
之後就o係青衣的海旁玩燈籠!


今晚o既月亮真係好靚



我o地o既白兔仔燈籠又出動喇!



嘻嘻~



一見到影夜景影到鬆郁朦, 又好有衝動想換相機...





行行o下見到人o地有隻到膝頭哥咁哥o既大白兔燈籠, 實在太可愛喇!!!


中秋節快樂啊!