台北最終回 - 中山站

我o地搭捷運返去中山站, 即係我o地酒店下一個站,
打算作最後衝刺, 行商場, 食食食


去了 Food court 食呢個餐,
食到蚵仔煎了, 感覺好美滿!



之後去買一間鮮製的鳳梨酥, 好好味啊!
沿大路慢慢行返酒店

返酒店攞行李, 搭車去機場, 一切順利

check in 完 Bobby 先生又要食, 真係嚇死我呀,
忍唔住都要話o下佢:「又食? 你今日食o左好多餐喇喎!
頭先先食完個蚵仔煎o既 set?!」

佢一於少理, Burger King 的勝利品


我們搭o既係加班機, 要去 Terminal 2 度上機
搭了 Skytrain 呀

一片日落 - 台北再見了!



呢一班華航機冇去程o個架咁大,
但有電視睇啊!


呢兩程機其實都坐得好舒服, 而且飛得好快,
原定話要 1hr30min o既旅程, 兩次都係 1hr 10min 就攪掂了!
快過由我屋企出港島啊! 哈!

我o地此行冇食到o既「阿給」, 估唔到o係機上有得食啊!!!
味道 ok 啦


此行圓滿結束, 特別鳴謝做我小 Model 的波比先生

一次本來去唔成的旅程, 一波三折後終於完成了,
特別的感恩! 特別的珍惜!

三天加一晚的日子, 好像過了很久很久!
短短的旅行, 都足以令人 Fully recharged 了!

去旅行, 係最好的原動力令你努力工作,
賺錢錢, 去更加多o既地方!

期待下一次再同大家分享我o地o既遊記啦!

台北 Day 4 - 淡水老街

我o地搭巴士返淡水, 開餐了!

第一擊係長雪糕



不過行行o下, 先發現我o地買o既唔夠長,
同埋原來後 d o既攤檔有好多唔同味道賣o架!

第二擊 - 花枝丸!
嘩, 真係鮮打o架, 入面啖啖肉! 唔係一團粉!


第三擊 - 臭豆腐!



第四擊 - 燒魷魚


好惹味!

轉個彎, 再食: 係加o左 d 魚仔o既烤鳥蛋!


正呀!


兜返入去, 第六擊 - 番石榴,
波比先生超愛, 我覺得太濃味了....



好大隻又可愛的狗狗 (此行見唔到小豬啊)



到賣飛佛: 炸榴槤,
不過厚厚的粉, 都冇乜榴槤肉o既, 呃錢...



買o左 d 手信, 返歸了

台北 Day 4 - 漁人碼頭

最後一日了, 今日算係早起身, check out 後出發去漁人碼頭,
唔係澳門o個個, 係台北o個個

呢個就係我o地每一日搭車必經o既雙連站, 行 5 分鐘就到

搭捷運的淡水線, 去到淡水落車
之後即刻趕去搭紅 26 號巴士, 往漁人碼頭
都搭o左半個鐘先到呀!

今日勁好天, 你睇, 藍天白雲, o係香港好耐都冇見過了!


漁人碼頭係一個海港仔, 睇o下天, 睇o下海, 拍拍照,
冇賣弄浮誇的西式建築, 簡簡單單, 都可教人悠閒地過一個晴天的上午


呢張好鍾意啊!
呢 d 叫做海天一色嘛?




本來我o地想搭船去對岸的「八里」,
但係風太大, 浪太大, 滿海白頭浪, 勁恐怖!
一向有「搖盪恐懼症」的豬太死都唔會坐船o架喇!

於是我o地沿海邊繼續走吧




再見了, 下一站淡水老街

台北 Day3 - 夜訪西門町 + 士林夜市

同小丸子影完相, 我o地去西門町喇!

今日都未正正經經食過一餐, 去西門町搵食, 又發覺 d 食店選擇唔太多,
行行o下, 竟然o黎到「鴨肉扁」,
好吧, 就食你啦!

上兩次o黎台北食鴨肉扁, 都唔覺得特別好味,
今次終於都明白了問題所在!
上兩次係叫鴨肉米粉, 鴨肉係 d 頭頭尾尾唔好食o既部分啊!!!

今次係叫o左 NT$300 o既 1/4隻鴨,
嘩, 好味 d!!!
但其實, 我都唔係覺得有咩好特別? 同香港的鹵水鵝有咩唔同?
呢餐應該係我o地成個 trip 最貴的一餐!


NT$50 的淨米粉


飯後行行西門町, 人頭湧湧




檸檬沙冰, 過甜了....


之後我又發揮我o既食力, 去食o左一整件可麗餅!
真係好薄好脆好餅o既 texture, 唔似香港賣的 pancake


輪到 Bobby 先生出馬
又食阿宗麵線了!


食完西門町, 我o地又去士林夜市食甜品,
去o左「三兄弟豆花」度, 食呢個「包心丸豆花」,
呢度o既豆花質地唔係 sell 滑 , 反而有 d 似杏仁豆腐的實實地,
不過都幾好食!


Final call 係呢間上海生煎包, 波比先生排o左好耐隊先買到呀!
好軟好味, 不過再多D 肉汁會更好!

台北 Day 3 - 小丸子樂園

出發前無意中發現台北有個小丸子主題樂園,
網頁介紹中, 佢只係開到 4月6日,
我們短短的 trip 可以有幸到此一遊, 實在非常幸運



入面有好多小丸子的圖畫、相片






仲有好多有趣的佈景板, 可以融入小丸子的世界影相

台北 Day 3 - 烏來台車和瀑布

走過了烏來老街


沿這條長樓梯直上, 就係烏來台車站





台車即係一列坐 12 人o既小火車, 可以帶我o地上山, 去到瀑布站


好多人排隊, 等o左 20 分鐘
台車來了


架車其實都開得幾快o架, 最攪笑係就到站時, 要經過一條小隧道,
忽然間黑晒, 又開得快, 有點刺激 (係豬師奶有點冇膽)
終於都上到山上面, 見到傳說中的瀑布了!



睇完瀑布, 我o地又往上走
好...多...樓梯呀......
行到大汗疊細汗上到半山, 綠油油一片, 唔見有太多花

此行希望見到台灣的櫻花, 但花期已過, 路上空中有好多飄落的櫻花,
樹上開的, 就只有一棵~

希望下次有緣o係日本見到盛開的櫻花啦~

我o地再上, 又熱又攰...

見到去雲仙樂園o既纜車喇, 不過時間已不早,
我o地估上到去都只係睇到差唔多o既綠油油一片,
最終都冇上去了

台北 Day 3 - 出發到烏來

本來今日係打算去一個叫「十分」的地方 (o係九份o個頭),
但兩程火車的班次實在太 liu lung, 可能搭 4 個鐘火車, 去睇得o個一個鐘頭景...

尋晚臨時變掛, 決定改去 Ashley 推介的烏來

旅遊書上冇太多介紹, 好彩尋晚終於駁到酒店的寬頻網絡,
可以上網 search 資料~
烏來有個叫「雲仙樂園」的地方, 好似好正有風景睇,
好了我們又出發喇!

旅遊書話可以o係新店先轉巴士, 但我o地 foresee 到一定冇位坐,
於是o係台北車站的頭站上車

點知, 搵o左好耐先搵到個站, 嚇死....

上o左車, 係今個旅程的第一次搭公車


挑個座位, 悠閒地欣賞一下台北的街景


去到新店站, 嘩, 上車o既人群好恐怖呀!
慶幸我o地一早上車, 雖然車程耐o左好多!

開始上山了!

真係青山綠水呀!



Total 個多小時o既車程, 終於都到o左烏來了!
落車喇!



烏來原來係一個山區, 落車就去到一條烏來老街,
見到山見到河, 好舒服o既感覺





呢度出名 d 炸溪魚溪蝦, 仲有炒山菜, 不過見到就唔係太大興趣去食


Bobby 先生都係食肉獸, 見到腸仔就飛撲埋去買喇...
呢度標榜由山豬製成o既肉腸, 真伙超好味, 不過又超多肥膏...


第二擊係溫泉蛋, 唔錯啊!




第三擊係串燒山豬肉


真係好好好新鮮有肉味啊!

回程時買o左呢個蝦蛋包, 成隻手咁大個, 飽死了....



仲有好多手信店, 我o地買o左 d 蜜地瓜, 即係蜜糖蕃薯, 太甜了....